پرسیارە دووپاتکراوەکان

2021/02/20 - 207

چۆن دەتوانم بەشداری لەم پرۆژەیەدا بکەم؟

تکایە لەڕێگەی فۆرمی پەڕەی پەیوەندییەوە پەیامێکمان بۆ بنێرە و خۆت بناسێنە.

چۆن دەتوانم فایلی پی.دی.ئێفی فەرهەنگەکان دابگرم؟

ئەم پرۆژەیە هیچ فایلێکی پی.دی.ئێف دانانێت بۆ داگرتن. ئەگەر پێویستت هەیە، دەتوانیت سەردانی سایتەکانی تر وەک کوردیپێدیا بکەیت.

ئایا ڤەژین‌لێکس هاوکاریم دەکات کە ئەپی مۆبایل دروست بکەم؟

ئەگەر تەنیا دەتەوێت فەرهەنگەکانی ئەم سایتە بە شێوەی دەرهێڵ و بە شێوازێکی ترەوە بڵاو بکەیتەوە، ڤەژین‌لێکس هاوکاریت ناکات! چونکە:

  • وێبسایتی ڤەژین‌لێکس بە شێوەیەک دروست کراوە کە لە مۆبایل و شاشەی بچووکیشدا بە باشی نیشان بدرێت و کێشەی نەبێت.
  • فەرهەنگەکانی نێو ڤەژین‌لێکس ڕۆژانە گۆڕانکارییان تێدا دەدرێت و زۆرتر و باشتر و بێهەڵەتر دەکرێن. مافی خوێنەران و توێژەران ئەوەیە کە هەمیشە دوایین وەشانی بابەتەکانیان لەبەردەستدا ببێت.
  • هێڵی ئینتەرنێت ئێستا لە زۆربەی شوێنەکانی کوردستان لەبەردەستدایە و بەرنامەی دەرهێڵ ئێستا ئەوەندە بە پێویست نازانین.

بەڵام ئەگەر دەتەوێت ئەپێکی بەسوود و جیاواز دروست بکەیت، تکایە لە پەڕەی پەیوەندیدا پەیامێکمان بۆ بنێرە و خۆت بناسێنە و شێوەی کاری ئەپەکە و کەرەستەی پێویستت ڕوون بکەرەوە بۆمان. ئەو کاتە ڤەژین‌لێکس بەشانازییەوە هاوکاریت دەکات.

زانیاری لەسەر ڤەژین‌لێکس: