ناساندن

پرۆژەی فەرهەنگەکانی ڤەژینبوکس

هەوڵێکە بۆ کۆکردنەوەی زانستییانەی فەرهەنگەکانی زمانی کوردی.

• هەوڵ دەدرێت هەموو فەرهەنگە یەکزمانە و دووزمانەکانی کوردی کۆ بکرێنەوە.
• هەوڵ دەدرێت بنەمایەک بۆ نووسینی فەرهەنگێکی نوێ بۆ زمانی کوردی دابمەزرێت.
• ئەم پرۆژەیە بە شێوەی wiki بە ڕێوە دەچێت؛ واتە بەشداربووان بەردەوام خەریکی چاکسازی و دەوڵەمەندکردنەوەی بابەتەکانن.

ئامانجەکان

• ئاسانکردنەوەی گەڕان لە فەرهەنگەکاندا و ڕەخساندنی هەڵسەنگاندنی مانای وشەیەک لە چەند فەرهەنگدا.
• یارمەتیدانی وەرگێڕەکان بۆ دۆزینەوەی خێرای مانای وشەکان لە چەند فەرهەنگدا.
• زیادکردنی زانیاریی پێویست وەکوو بەشی ئاخاوتن، شێوەزاری سەرچاوە، پێکهاتە، ڕەگناسی و ... هتد بە وشەکان.
• گرێدانەوەی کۆگای ئیدیۆم، پەند و نموونەی ئەدەبی، بە فەرهەنگەکانەوە.
• بەهێزکردن و بەرزکردنەوەی پلەی زمانی کوردی لە ناوەرۆکی سەر وێبدا.
• دابینکردنی پێگەیەکی ناوەندی بۆ بەژێدەرکردن و ئاماژەپێدان بە فەرهەنگەکانی زمانی کوردی.

بەڕێوەبەران و بەشداربووان

ئەم پرۆژەیە لە ساڵی ٢٠٢٠دا بە یارمەتیی ناوەندی فەرهەنگی و هونەریی ڤەژین لە شاری مەریواندا دەستی بە کاری خۆ کردووە. تا ئێستا چەند دەزگای چاپ و بڵاوکردنەوە و دەیان کەس بە خۆبەخشانە و بەبێ بەرامبەر بەشدارییان لە پرۆژەی ڤەژینلێکسدا هەبووە.