– بارستەیەکی گەورە و بەرزی زەوییە و لە دەوروپشتی خۆی بەرزترە، لوتکەیەک یان زیاتری هەیە، ئەگەر چیای تری بە دەمەوە بێت ئەوە زنجیرە چیایە

– هەموو ئەو وشانەی لە دوای (چیا)وە هاتوون مانای چیا دەبەخشن، بەڵام لە ڕووی جۆری چیا و ناوەکانیش جیاوازی هەیە، وەک (بەن، بەنی) واتە زنجیرەی کێوان، (زەرد، ماهـ، شکێر، ما) واتە شاخی زۆر سەخت و بەردەلان، (بەندەن) واتە کێو تەلان

– هەرچیایەک لوتکەک یان زیاتری هەیە و هەر لوتکەیەک ناوی تایبەتی خۆی هەیە، حەسارۆست لوتکەی هەڵگورد

– ناوی چیا، بریتییە لەو ناوانەی کە لە چیاکانی کوردستان نراون ئەو ناوانەش لە زۆر لاوە لە زۆر شت وەرگیراون، وەک، لە بەرزی چیا و خاسیەتی چیا و ڕەنگی چیا و سوود لێ وەرگرتن و سوود لێ وەرنەگرتن، وەک: چیای باڵاکێو واتە چیای بەرز، کێوی ڕەش واتە چیای ڕەش، چیای سپیلک واتە چیای سپی، چیای خێر واتە چیای بەسوود

– ناوی چیایەکە لەو ماددانە وەرگیراون کە لە ناو چیایەکە هەن، وەک: ئاسنەوان، ناوی چیایەکی لە پێنجوین ئاسنی تێدایە

– ناوی هەندێ چیا لە وەسفی شوێنی چیا وەرگیراوە، وەک: چیای سەری پردێ، سەرسەنگ، سەری ئامێدی

– هەندێ پەلەوەر یا گیانەوەر دەبێتە ناوی چیا، وەک: کونە کۆتر

– ناوی پیاوچاکان کە جێی نەزرگەی لەو چیایە بووە یان مەزاری بووەتە ناوی چیا، وەک: چیای پیرمەم، چیای شێخ ناسر، چیای هەیبەت سوڵتان

– ناوی دار دەبێتە ناوی چیا کە لە چیاکە ڕواوە، وەک: چیای ڕۆلک

– سوود لێ دیتن و سوود لێ نەدیتن: چیاخێرە، بێخێرە

– بەرزی، دەبێتە ناوی چیا وەک بالاکێو

– جێی ژیانی گیانەوەر دەبێتە ناوی چیا، وەک: کونە سەگ